Post navigation

Uncategorized

Aik Din Me Bhe Doctor Hoonga

Meet Ali, he spends his afternoons cleaning cars in F-11 outside Gloria Jeans. He’s an enthusiastic young boy who loves playing cricket and wants to be a doctor when he grows up.

Kya kartay ho saray din?

“Garian saaf karta houn.”

Kitnay bajay tak?

“9-10 bajay tak karta rehta hun.”

Jab aap lougon kay paas jatay ho puchnay kay liye toh aam tor pe kis tarhan se baat kartay hain aap se?

“Bhaga detay hain zyada tar, kuch achay hotay hain. Aik dafa aik Arabi sahab aye thay, unho ne hazaar rupay ka note de dia, mujhe pata nahin tha kay hazaar rupay ka note kis tarhan ka hota hai, main samjha kay koi chota sa hi note hoga, jab ghar gaya ammi abu ko paisay diye unho ne bataya kay yeh toh hazaar ka note hai, uss din ham ne gosht khaya phir.”

School gaye huey ho?

“Meray bhen bhai jatay hain.”

Aap ko shouk hai parhnay ka?

( Nods enthusiastically in response )

Kya banna hai baray ho kay?

“Doctor, lougon ka ilaaj kiaa karoun ga.”

Sabb se zyada khushi kabb hotai hai, koi aisi chez jo dil karta hai kay hojaya karay?

“Kabhi kabhar patah nahi kya hotai hai,jo kuch sahab sir pe haath pher jatay hain, bass wohi.”

12733509_1742244275995920_3861258733496220509_n

Share this story with your friends!

Pakistan Speaks

About Pakistan Speaks